دخل خالد الغندور، نجم نادي الزمالك السابق، في نقاش محتدم مع جماهير النادي الأهلي خلال الساعات الأخيرة.
جاء ذلك بعد أن نشر عبر صفحته على موقع التواصل الاجتماعي «فيس بوك»: «كل منتخبات العالم عندهم مباريات رسمية وودية وإحنا واخدين راحة»
وأضاف: «وسام أبوعلي وأليو ديانج، بيلعبوا مع مين دلوقتي منتخبات بلادهم ولا بيلعبوا مع الأهلي»
فيما قرر حسام حسن، المدير الفني لمنتخب مصر إلغاء المعسكر الذي كان مقررًا خلال فترة الأجندة الدولية من 2 إلى 10 يونيو، بسبب سفر الأهلي إلى أمريكا يوم 4 يونيو، للاستعداد لمباريات كأس العالم للأندية.
ردت جماهير النادي الأهلي على الغندور، حيث كتب حساب باسم «أهلاوية وافتخر»: «ديانج في الأهلي دلوقتي ووسام ده لاعب واحد إنما منتخب مصر بياخد أقل حاجة عشرة من الأهلي مش ذنبنا أنه مش معترف بيكوا»
ورد الغندور قائلًا: «مش عارف تقول مبرر مش دلوقتي فيفا ديت وأيام المنتخب الأولمبي كان من حقه عشان مش في الأجندة الدولية، هو انت وأمثالك بتلوموا على حسب المصلحة وأخيرًا من الأهم منتخب مصر ولا نادي في مصر»
ورد حساب باسم (محمد عبدالله): «انتم عاوزين غسيل قلب علشان ينصلح حالكم ونشوفكم بتلعبوا في بطوله غير الكونفدراليه»
ليجيب الغندور: «لا انتوا محتاجين غسيل مخ عشان تعرف إن منتخب بلادك أهم من أي نادي بتشجعه»