حذر رضا عبد العال، النجم السابق لناديي الزمالك والأهلي، أحمد زيزو، اللاعب الجديد في صفوف الأهلي بعد انتقاله نهائيًا عقب انتهاء عقده مع الزمالك.
وقال رضا عبد العال في تصريحات له عبر قناة «الشمس»: «انتقال زيزو للأهلي؟ ربنا يباركله (في الفلوس) لكن كلاعب كرة، عمره ما هيوصل للي كان فيه في الزمالك»
وأضاف: «كانوا دائمًا يقولوا لي، أنت في الأهلي غير في الزمالك، في الزمالك الكل بيخدم عليه، لكن في الأهلي، عنده تريزيجيه وإمام عاشور ووسام أبوعلي، فهو هيلقى صعوبة في هذا الأمر»
وأكمل: «ومش هياخد اللي كان فيه في الزمالك، هو حسبها فلوس مش كورة، مع إن الكورة هتخليه أسطورة مش الفلوس، وهناك في الأهلي مفيش ياما إرحميني»
وتابع: «لكن في الزمالك كان بقاله سنة وحشة والزمالك مستحملة ودخلوا في مشاكل عشانه، الفلوس اللي أخدها رزق»
شارك