علق الإعلامي أحمد شوبير على الصور التي انتشرت للاعبي الفريق الأول لكرة القدم بالنادي الأهلي داخل أحد المولات في مدينة نيوجرسي الأمريكية، وذلك قبل مواجهة بورتو في الجولة الأخيرة من مرحلة دور المجموعات لبطولة دوري أبطال أفريقيا.
وقد أثارت هذه الصور حالة من الغضب بين الجماهير، خاصة أن الفريق يستعد لمباراة قوية وحاسمة قد تحدد مصيرهم في البطولة إما بالصعود للدور المقبل أو الخروج نهائيًا.
وقال شوبير في تصريحات تليفزيونية عبر قناة الأهلي: «في كلام كتير بيتقال وإشاعات كثيرة وحملة من إمبارح على لاعيبة الأهلي بسبب أنهم خرجوا شوية، ودي فعلاً حاجة غريبة، وأحنا مش دورنا الدفاع عن النادي الأهلي، لا، أحنا بننقل الحقيقة»
وتابع: «امبارح الفرقة خرجت وعملت تمرين قوي جداً الصبح، دا بالنسبة للي ملعبوش، أما اللعيبة اللي لعبت عملوا استشفاء، ريبيرو قال إن اللاعيبة مضغوطين جداً من وقت ما وصلوا أمريكا، وهما بين الملعب والفندق للتدريب، وكل شغلهم في الملعب والمدرجات»
وأضاف: «اللاعيبة بيشموا نفسهم، إيه المشكلة، أنا كنت في معسكر الكابتن الجوهري وساعات كنت أغيب عن معسكر عشرين يوم، وساعات الراجل كان بيخرجني ويقول إن اللاعيبة مضغوطين وغيره»
وأكمل: «اللاعيبة مشدودة وحزينة، لأنهم كانوا جايين بطموحات كبيرة وأحلام كبيرة، أرجوكم كفاية حملات، دا راحوا مول اللي اشتري كوتش وإللي اشتري تيشيرت، اللاعيبة هنا بتنزل على محاضرة أو تمرين أو استشفاء، كل الناس عاملين شغل كبير جداً، والمرة دي بقولها بصيغة رجاء، بعض الناس اللي بتكتب، خلاص، اللاعيبة مموتة نفسها وبتحاول تعمل كل حاجة، وبإذن الله يعملوا»