وقعت مشادة بين جمال عبدالحميد، نجم الزمالك السابق، وأحمد بلال، نجم الأهلي السابق، بعد تصريحات أحمد حسام «ميدو»، عضو لجنة التخطيط بنادي الزمالك، الذي انتقد لاعبي الأهلي عقب مباراة بالميراس البرازيلية.
وفي تصريحات تلفزيونية عبر فضائية «النهار»، رد أحمد بلال على كلام «ميدو»، قائلاً: «كلام مضحك، مش ميدو، ده اللي قال على مصطفى شلبي، أحسن لاعيب في مصر! قال مصطفى شلبي، أحسن جناح في مصر!»
ورد جمال عبدالحميد، بشكل منفعلاً على أحمد بلال، قائلاً: «ميدو مش قليل في الكورة، هو يقول اللي يقوله دي وجهة نظره، متقللش من وجهة نظره»
وأضاف: «مصطفى شلبي، من أحسن اللعيبة في مصر، بيروح على اللعيبة مبيخافش، واللي بيقولك الكلام ده، كابتن منتخب مصر في كأس العالم 90»
ورد أحمد بلال: «مينفعش ميدو يقول كده على الأهلي، الأهلي واخد تالت العالم»
وعلق جمال عبدالحميد قائلاً: «بقولك إيه با بلال، الفرقة اللي واخدة تالت العالم على 6 فرق متبقاش تالت العالم، إيه تالت العالم على 6 فرق! تكسب ماتش وتخسر ماتشين تبقى تالت العالم! انتوا بتهزروا، بطولة كأس العالم في النسخة الحالية هي البطولة الحقيقية»