كشف الفنان حازم إيهاب عن تفاصيل مثيرة من ماضيه العاطفي قبل ارتباطه بزوجته منة، وذلك خلال لقائه في بودكاست “فايق ورايق” مع الإعلامي إبراهيم فايق.
قال حازم: “لما شفت مراتي، كان بعد 3 تجارب أسود من السواد.. اتخانت مرتين، ومرة اتسبت، كانت الدنيا بشعة”، وأشار إلى أنه عانى من أزمة صحية نتيجة إحدى هذه التجارب حيث قال: “دخلت المستشفى، وحصلت لي مشكلة مزمنة في قلبي، وعندي حاجة اسمها عدم انتظام ضربات القلب”
استرجع حازم تفاصيل تجاربه العاطفية قائلاً: “المرة اللي اتسبت فيها هي اللي دخلتني المستشفى. مرة اتخانت، وفي النص اتسبت، وبعدين اتخانت. كأني باكل علقة. أول مرة اتخانت، مكنتش متحكم في إحساسي وكنت عصبي جدًا. وقتها كنت صغير وبدأت أهتم بشكلي، عملت أسناني ورحت الجيم والناس كانت بتتهافت عليا وسألت نفسي: ليه بيحصل فيا كده؟”
وعن لقائه بزوجته “منة”، قال: “ظهرت لي من وسط الضلمة. أنا اتجوزت وأنا عندي 24 سنة وكنت بعمل كل اللي في إيدي عشان أتجوز. تأثيرها عليّ كان إيجابي جدًا لأني كنت بني آدم مش كويس نفسيًا وتصرفاتي كانت فيها مشاكل كتير”
وأوضح إيهاب أنه صارحها منذ البداية بوضعه المالي حيث قال: “وقفت معاها وقلت لها إني في اللحظة دي معيش فلوس بس عايز أقابل مامتك، وده كان بعد 7 أيام بس من أول مرة شفتها. وبعد 10 أيام قابلت مامتها وقلت لها إني لا أملك شيئًا لكن لو ربنا كرمني هخطب بعد بكرا ولو كرمني تاني هتجوز بعد بكرة وهي اعتبرتني زي ابنها”
يُذكر أن حازم إيهاب شارك مؤخرًا في موسم دراما رمضان 2025 من خلال الجزء الثاني من مسلسل “أشغال شقة” الذي يضم مجموعة كبيرة من النجوم مثل هشام ماجد وأسماء جلال وشيرين وسلوى محمد علي ومصطفى غريب والعمل من تأليف خالد وشيرين دياب وإخراج خالد دياب.
تعليقات