تحدث إمام عاشور، لاعب النادي الأهلي، عن إصابته التي تعرض لها خلال مباراة الفريق أمام إنتر ميامي في المباراة الافتتاحية لبطولة كأس العالم، والتي انتهت بالتعادل السلبي.
وأظهرت الفحوصات التي أجراها اللاعب في مدينة ميامي الأمريكية أنه يعاني من كسر في عظمة الترقوة، مما سيؤدي إلى غيابه عن المباريات المقبلة للفريق في بطولة كأس العالم للأندية.
وعبر إمام عاشور عن مشاعره عبر ستوري الإنستجرام قائلاً:«ما قدر الله لك فهو آت إليك، وما لم يقدره لك فلن يصيبك، الحمد لله على كل شيء، الإصابة كانت صعبة وجت في أول لحظات ليا في البطولة، وده قدر ربنا ولازم نرضى بيه»
وأضاف:«كان نفسي أكون موجود وأقاتل مع إخواتي في الملعب، بس دا نصيبي ودلوقتي داخل اعمل العملية، وإن شاء الله أرجع أقوى، الإحساس اللي جوايا دلوقتي مش سهل، بس اللي مخليني ثابت هو إيماني بدعمكم ودعواتكم»
واختتم قائلاً:«المرحلة دي محتاجة منكم تبقوا ورا كل لاعب في الفريق، سواء قديم أو جديد، كلهم بيلعبوا بقلبهم وبيحبوا النادي وبيخافوا عليه، صدقوني دعمكم بيفرق جدًا، واللاعيبة مستنياكم زي ما دايما واقفين في ضهرنا»