انتقد محمد عبدالجليل، لاعب الأهلي السابق، حسين الشحات، لاعب الفريق الأول لكرة القدم بالنادي، بسبب أدائه مع الفريق خلال بطولة كأس العالم للأندية 2025.
وقال عبدالجليل في تصريحات تليفزيونية مع الإعلامية ياسمين عز: «بالنسبة لانفراد حسين الشحات، أنا معايا الكرة ممكن أديها لأي حد يجيب جول ودي سهلة، دا اللي بيحصل في الأهلي طول عمره، بس حسين عايز ينفرد عشان يجيب هو جول»
وتابع: «أنا اللي عايز أجيب الجول، أنتم جايبين نجوم، ماشي بس أنا نجم برضه، كرة حسين الشحات دي أنا مشفق عليه بسببها، هو مش جاهز وبعيد عن مستواه وعايز يثبت للناس إنه نجم، أنتم جبتوا زيزو بس أنا حسين الشحات برضه»
وأضاف: «يا حسين سهلها على نفسك زي ما كان الناس بيقولولنا، عشان تتسهل عليك، بطئ في التفكير غريب بصراحة، لو سلم الكرة لحد كانت جات جول، بس هو عايز يجيب الجول هو»
شارك